Сервисна информација за состојбата на патните правци

14,02,2020  / 06:05:58  час

СОСТОЈБА: Сообраќајот на државните патишта се одвива непречено по претежно суви коловози.

ФРЕКВЕНЦИЈА: Интензитетот на сообраќај на патните правци надвор од градските средини е умерен. На граничните премини, од македонска страна, нема подолги задржувања за влез и за излез од државата.

ВНИМАТЕЛНО: АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има појава на утринска магла и можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.

ЗИМСКА ОПРЕМА: Од 15.11 2019 година започна законската обврска за задолжително поседување на зимската опрема во возилата. Оваа обврска ќе трае до 15.03.2020 година. На овој линк повеќе информации што се подразбира под зимска опрема.

СЕЗОНСКО ЗАТВОРАЊЕ: Патниот правец Р2332 Охрид – Ресен, преку националниот парк Галичица (врска со Р1307 Царина – врска со А3 и Р1301 – Трпејца), од 15.11.2019 до 01.04.2020 е затворен за сообраќај за сите видови возила.

ЕЛЕКТРОНСКА НАПЛАТА НА ПАТАРИНИ: Отпочнат е нов начин на наплата на патарини, повеќе информации може да добиете ТУКА.

РАБОТИ НА ПАТ:

На ден 31.01.2020 г. ќе се започне со изведување градежни активности при поставување на канделабри (електрично осветлување) на магистрален пат А1 патен правец Велес-Неготино, клучка Велес-Југ во времетраење од 30(триесет) дена, за што ќе се изврши промена на режимот на сообраќај.

ДИГИТАЛ ДООЕЛ Струмица известува за времена измена на режим на сообраќај на државен пат А1, делница: Демир Капија-Смоквица, за време на изведување на градежни работи-електрично осветлување на тунел Демир Капија на државен пат, согласно одобрението од Министерство за транспорт и врски. Предметната сообраќајна согласност е со рок на важност од 3 (три) месеци сметано од денот на издавање (02.01.2020 година).

Друштвото АСФАЛТ ДООЕЛ СКОПЈЕ известува дека поради изведување градежни работи за изградба на електронски систем за наплата на наплатна станица Демир Капија во периодот 03.09.2019 до 02.03.2020 на магистралниот пат А1 делницаНеготино – Гевгелија, наплатна станица Демир Капија, сообраќајот ќе се одвива согласно Одобрениото за времен режим на сообраќај бр.11-уп-128/4 од 03.09.2019 издадено од Министерството за транспорт и врски на Р.Македонија.

Ескаватори Мк известуваат дека поради рехабилитација на регионален пат Р1204, делница Куманово – Свети Николе Л=32 км, има одобрен времен режим на сообраќај.

Штрабаг АГ известува дека изведува градежни активности на експресен пат А4 делница Штип – Радовиш. Се препорачува до возачите внимателно да пристапуваат на оваа делница и да ја почитуваат поставената сообраќајна сигнализација.

Г. П. Илинден – Струга известува дека поради изведување на градежни работи, изградба на натпатник за ТИРЗ зоната Струга на регионалниот патен правец А2с.Подмоље – Струга има времен режим на сообраќајот. На самото место има поставена соодветна сообраќајна сигнализација.

СОСТОЈБА – СКОПЈЕ:

Поради изградба на фекален колектор на реката Вардар, на дел од булеварот Србија ќе биде воведен времен сообраќаен режим. Измената на режимот на сообраќај ќе почне да важи од 27.01.2020 година, а со градежни активности ќе биде опфатен потегот од крстосницата со бул. Јане Сандански и бул. Видое Смилевски Бато до крстосницата со бул. АСНОМ. Времениот режим на сообраќај ќе биде поставен на крајната десна и средна сообраќајна лента на еден дел од булеварот, а сообраќајот ќе се движи само по крајната лева сообраќајна лента во посочениот правец.

Од 17.12.2019 поради изведување на градежни активности на бул. “Никола Карев”, ќе биде воведен времен сообраќаен режим кој ќе трае се до завршување на истите. Апел до сите учесници во сообраќајот да бидат внимателни и да ја прилагодат својата брзина на движење според условите на патот

ЦУКС известува дека поради градежни активности за формирање на крстосница помеѓубул. Киро Глигоров и улица „1“, на дел од булеварот ќе биде воведен времен сообраќаен режим, па така сообраќајот во насока на движење од мост Тодор Александров кон крстосница со улица Перо Наков, на еден дел од бул. Киро Глигоров, ќе се одвива во една сообраќајна лента. ЦУКС апелира до сите учесници во сообраќајот да бидат внимателни и да ја прилагодат својата брзина на движење според условите на патот, воедно почитувајќи ја поставената сообраќајна сигнализација.

 

извор / АМСМ