Македонија

Забрана за движење на сите граѓани од петок 16:00 часот до вторник 05:00 часот

На денешната 40-та седница на Владата на Република Северна Македонија, донесена е одлука за ограничувањата на движењето на граѓаните за периодот којшто претстои, вклучително и за велигденските празници.За време на викендот, вклучително и понеделник, од петок 17-ти април во 16:00 часот, до вторник 21-ви април во 05:00 часот, се забранува движењето за сите граѓани на територијата на целата држава.

Останува активна забраната за движење за сите граѓани на ниво на целата територија, секој работен ден, од понеделник до петок, од 16:00 часот до 05:00 часот наредниот ден.
Дополнително, од четврток 16-ти април 16:00 часот, до вторник 21-ви април 05:00 часот, се забранува движење на сите излетнички места, паркови и шуми низ целата држава.

За лицата над 67 годишна возраст останува активна забраната во текот на сите работни денови, од понеделник до петок, освен во периодот од 10:00 до 12:00 часот. Во понеделник, 20-ти април, за овие граѓани има целосна забрана.

За сите лица до 18 години останува активна забраната за движење во текот на сите работни денови, од понеделник до петок, освен во периодот од 13:00 до 15:00 часот. Во понеделник, 20-ти април, за овие лица има целосна забрана.

Останува активна забраната за движење на граѓаните на јавни места и јавни површини во групи поголеми од две лица, при што тука не се вбројуваат лицата помали од 14 години, доколку се деца на родител кој е дел од групата од двајца.

За земјоделските активности, дозволено е движење во рамки на територијата (атарот) на селата, исклучиво за работните потреби.

Аптеките ќе работат непречено, а Министерството за здравство ќе изработи план за непреена работа и на здравствените установи.

Исклучоците од забраната за движење важат за полицијата, армијата, здравствените работници (во ЈЗУ и ПЗИ, како и матичните лекари) и за маркетите и рестораните кои вршат достава на производи, при што тие своите ангажмани ќе ги реализираат непречено.

 

Со почит,

Сектор за односи со јавност
Генерален секретаријат
Булевар „Илинден” бр. 2, Скопје
Република Северна Македонија
+389 2 3123 371; +389 2 3122 375
press@vlada.gov.mk
vlada.mk
Покажи повеќе
Назад на горното копче
mk_MK
sq mk_MK
Затвори